wahashtein badhti gain ke aazaar ke saath
ab toh ham baat bhi karte nahi -khwaar ke saath
ham ne ik umr basar ki hai gham-e-yaar ke saath
meer do din na jiye hijr ke aazaar ke saath
ab toh ham ghar se nikalte hain toh rakh dete hain
taaque par izzat-e-saadaat bhi dastaar ke saath
is quadar khauf hai ab shahar ki galiyon mein ki log
chaap sunte hain toh lag jaate hain deewar ke saath
ek toh khawaab liye phirte ho galiyon galiyon
us pe takraar bhi karte ho khareedaar ke saath
shahar ka shahar hi naaseh ho toh kya keejiyega
warna ham rind toh bhid jaate hain do-chaar ke saath
ham ko us shahar mein taameer ka sauda hai jahan
log memaar ko chun dete hain deewar ke saath
jo sharaf ham ko mila koocha-e-jaanan se faraaz
soo-e-maqtal bhi gae hain usi pindaar ke saath
Responses
No comments yet. Be the first to respond.
ek muddat se muqaddar hai ghareeb alotni
koi pardees mein naa khush ho toh ghar bhi jaae
apni hi aawaaz ko be shak kaan mein rakhna
lekin shahar ki khaamoshi bhi dhyaan mein rakhna
mere jhoot ko tolo bhi aur kholo bhi tum
lekin apne sach ko bhi meezaan mein rakhna
kal taareekh yaqueena khud ko dahraaye gi
aaj ke ik ik manzar ko pahchaan mein rakhna
bazm mein yaaron ki shamsheer ke jauhar dekho
razam mein lekin talwaaron ko meeaan mein rakhna
us dariya se aage ek samundar bhi hai
aur wo be saahil hai ye bhi dhyaan mein rakhna