tujh se mil kar toh ye lagta hai ki ai ajanbi dost
tu miri pahli mohabbat thi miri aakhiri dost
log har baat ka afsaana bana dete hain
ye toh duniyaa hai miri jan kai dushman kai dost
tere quamat se bhi lipti hai amar-bel koi
meri chaahat ko bhi duniyaa ki kha gai dost
aai hai toh phir toot ke yaad aai hai
koi guzri hui manzil koi bhooli hui dost
ab bhi aae ho toh ehsaan tumhaara lekin
wo quayaamat jo guzarni thi guzar bhi gai dost
tere lahje ki thakan mein tira dil shaamil hai
aisa lagta hai judaai ki ghadi aa gai dost
baarish-e-sang ka mausam hai mire shahar mein toh
tu ye sheeshe sa badan le ke kahan aa gai dost
main use ahad-shikan kaise samajh loon jis ne
aakhiri khat mein ye likkha tha faquat aap ki dost
Responses
No comments yet. Be the first to respond.
ek muddat se muqaddar hai ghareeb alotni
koi pardees mein naa khush ho toh ghar bhi jaae
apni hi aawaaz ko be shak kaan mein rakhna
lekin shahar ki khaamoshi bhi dhyaan mein rakhna
mere jhoot ko tolo bhi aur kholo bhi tum
lekin apne sach ko bhi meezaan mein rakhna
kal taareekh yaqueena khud ko dahraaye gi
aaj ke ik ik manzar ko pahchaan mein rakhna
bazm mein yaaron ki shamsheer ke jauhar dekho
razam mein lekin talwaaron ko meeaan mein rakhna
us dariya se aage ek samundar bhi hai
aur wo be saahil hai ye bhi dhyaan mein rakhna