tere quareeb aa ke badi ulajhnon mein hoon
main dushmanon mein hoon ki tire doston mein hoon
mujh se gurez-pa hai toh har raasta badal
main sang-e- hoon toh sabhi raaston mein hoon
tu aa chuka hai sath pe kab se khabar nahi
bedard main abhi unhin gahraaiyon mein hoon
ai yaar-e-khush-dayaar tujhe kya khabar ki main
kab se udaasiyon ke ghane jangalon mein hoon
tu loot kar bhi ahal-e-tamannaa ko khush nahi
yan lut ke bhi wafa ke inhi quafilon mein hoon
badla na mere baad bhi mauzoo-e-guftugoo
main ja chuka hoon phir bhi tiri mahfilon mein hoon
mujh se bichhad ke tu bhi toh roega umr bhar
ye le ki main bhi tiri khwaahishon mein hoon
tu hans raha hai mujh pe mira haal dekh kar
aur phir bhi main shareek tire quahaquhon mein hoon
khud hi misaal-e-laala-e-sehra lahoo lahoo
aur khud faraaz apne tamaashaaiyon mein hoon
Responses
No comments yet. Be the first to respond.
ek muddat se muqaddar hai ghareeb alotni
koi pardees mein naa khush ho toh ghar bhi jaae
apni hi aawaaz ko be shak kaan mein rakhna
lekin shahar ki khaamoshi bhi dhyaan mein rakhna
mere jhoot ko tolo bhi aur kholo bhi tum
lekin apne sach ko bhi meezaan mein rakhna
kal taareekh yaqueena khud ko dahraaye gi
aaj ke ik ik manzar ko pahchaan mein rakhna
bazm mein yaaron ki shamsheer ke jauhar dekho
razam mein lekin talwaaron ko meeaan mein rakhna
us dariya se aage ek samundar bhi hai
aur wo be saahil hai ye bhi dhyaan mein rakhna