silsile tod gaya wo sabhi jaate jaate
warna itne toh maraasim the ki aate jaate
shikwa-e-zulmat-e- se toh kahin behtar tha
apne hisse ki koi shama jalaate jaate
kitna aasan tha tire mein marna jaanan
phir bhi ik umr lagi jaan se jaate jaate
jashn-e-maqtal hi na barpa hua warna ham bhi
pa-b-jaulan hi sahi naachte gaate jaate
is ki wo jaane use paas-e-wafa tha ki na tha
tum faraaz apni taraf se toh nibhaate jaate
Responses
No comments yet. Be the first to respond.
ek muddat se muqaddar hai ghareeb alotni
koi pardees mein naa khush ho toh ghar bhi jaae
apni hi aawaaz ko be shak kaan mein rakhna
lekin shahar ki khaamoshi bhi dhyaan mein rakhna
mere jhoot ko tolo bhi aur kholo bhi tum
lekin apne sach ko bhi meezaan mein rakhna
kal taareekh yaqueena khud ko dahraaye gi
aaj ke ik ik manzar ko pahchaan mein rakhna
bazm mein yaaron ki shamsheer ke jauhar dekho
razam mein lekin talwaaron ko meeaan mein rakhna
us dariya se aage ek samundar bhi hai
aur wo be saahil hai ye bhi dhyaan mein rakhna