saamne us ke kabhi us ki sataaish nahi ki
ne chaaha bhi agar honton ne jumbish nahi ki
ahal-e-mahfil pe kab ahwaal khula hai apna
main bhi khaamosh raha us ne bhi pursish nahi ki
jis quadar us se taalluque tha chala jaata hai
us ka kya ranj ho jis ki kabhi khwaahish nahi ki
ye bhi kya kam hai ki donon ka bharam quaem hai
us ne bakhshish nahi ki ham ne guzaarish nahi ki
ik toh ham ko adab aadaab ne pyaasa rakkha
us pe mahfil mein suraahi ne bhi gardish nahi ki
ham ki dukh odh ke khalwat mein pade rahte hain
ham ne mein zakhmon ki numaaish nahi ki
ai mire abr-e-karam dekh ye weeraana-e-jan
kya kisi dasht pe tu ne kabhi baarish nahi ki
kat mare apne quabeele ki hifaazat ke liye
maqtal-e-shahar mein thahre rahe jumbish nahi ki
wo hamein bhool gaya ho toh ajab kya hai faraaz
ham ne bhi mel-mulaaquat ki koshish nahi ki
Responses
No comments yet. Be the first to respond.
ek muddat se muqaddar hai ghareeb alotni
koi pardees mein naa khush ho toh ghar bhi jaae
apni hi aawaaz ko be shak kaan mein rakhna
lekin shahar ki khaamoshi bhi dhyaan mein rakhna
mere jhoot ko tolo bhi aur kholo bhi tum
lekin apne sach ko bhi meezaan mein rakhna
kal taareekh yaqueena khud ko dahraaye gi
aaj ke ik ik manzar ko pahchaan mein rakhna
bazm mein yaaron ki shamsheer ke jauhar dekho
razam mein lekin talwaaron ko meeaan mein rakhna
us dariya se aage ek samundar bhi hai
aur wo be saahil hai ye bhi dhyaan mein rakhna