rog aise bhi -e-yaar se lag jaate hain
dar se uthte hain toh deewar se lag jaate hain
aaghaaz mein halki si khalish rakhta hai
baad mein saikdon aazaar se lag jaate hain
pahle pahle hawas ik-aadh dukan kholti hai
phir toh bazaar ke bazaar se lag jaate hain
bebsi bhi kabhi qurbat ka sabab banti hai
ro na paaein toh gale yaar se lag jaate hain
katarnein gham ki jo galiyon mein udi phirti hain
ghar mein le aao toh ambaar se lag jaate hain
daagh daaman ke hon dil ke hon ki chehre ke faraaz
kuchh nishan umr ki raftaar se lag jaate hain
Responses
No comments yet. Be the first to respond.
ek muddat se muqaddar hai ghareeb alotni
koi pardees mein naa khush ho toh ghar bhi jaae
apni hi aawaaz ko be shak kaan mein rakhna
lekin shahar ki khaamoshi bhi dhyaan mein rakhna
mere jhoot ko tolo bhi aur kholo bhi tum
lekin apne sach ko bhi meezaan mein rakhna
kal taareekh yaqueena khud ko dahraaye gi
aaj ke ik ik manzar ko pahchaan mein rakhna
bazm mein yaaron ki shamsheer ke jauhar dekho
razam mein lekin talwaaron ko meeaan mein rakhna
us dariya se aage ek samundar bhi hai
aur wo be saahil hai ye bhi dhyaan mein rakhna