qurbaton mein bhi judaai ke zamaane maange
wo be-mehar ki rone ke bahaane maange
ham na hote toh kisi aur ke charche hote
khilqat-e-shahar toh kahne ko fasaane maange
yahi tha ki tarasta tha maraasim ke liye
ab yahi tark-e-taalluque ke bahaane maange
apna ye haal ki ji haar chuke lut bhi chuke
aur mohabbat wahi andaaz puraane maange
zindagi ham tire daaghon se rahe sharminda
aur tu hai ki sada aaeena-khaane maange
dil kisi haal pe quane hi nahi jaan-e-faraaz
mil gae tum bhi toh kya aur na jaane maange
Responses
No comments yet. Be the first to respond.
ek muddat se muqaddar hai ghareeb alotni
koi pardees mein naa khush ho toh ghar bhi jaae
apni hi aawaaz ko be shak kaan mein rakhna
lekin shahar ki khaamoshi bhi dhyaan mein rakhna
mere jhoot ko tolo bhi aur kholo bhi tum
lekin apne sach ko bhi meezaan mein rakhna
kal taareekh yaqueena khud ko dahraaye gi
aaj ke ik ik manzar ko pahchaan mein rakhna
bazm mein yaaron ki shamsheer ke jauhar dekho
razam mein lekin talwaaron ko meeaan mein rakhna
us dariya se aage ek samundar bhi hai
aur wo be saahil hai ye bhi dhyaan mein rakhna