kya aise kam- se koi guftugoo kare
jo mustaquil sukoot se ko lahoo kare
ab toh hamein bhi tark-e-maraasim ka dukh nahi
par dil ye chaahta hai ki aaghaaz tu kare
tere baghair bhi toh ghaneemat hai zindagi
khud ko ganwa ke kaun tiri justujoo kare
ab toh ye aarzoo hai ki wo zakhm khaaiye
ta-zindagi ye dil na koi aarzoo kare
tujh ko bhula ke dil hai wo sharminda-e-nazar
ab koi haadsa hi tire roo-b-roo kare
chup-chaap apni aag mein jalte raho faraaz
duniyaa toh arz-e-haal se be-aabroo kare
Responses
No comments yet. Be the first to respond.
ek muddat se muqaddar hai ghareeb alotni
koi pardees mein naa khush ho toh ghar bhi jaae
apni hi aawaaz ko be shak kaan mein rakhna
lekin shahar ki khaamoshi bhi dhyaan mein rakhna
mere jhoot ko tolo bhi aur kholo bhi tum
lekin apne sach ko bhi meezaan mein rakhna
kal taareekh yaqueena khud ko dahraaye gi
aaj ke ik ik manzar ko pahchaan mein rakhna
bazm mein yaaron ki shamsheer ke jauhar dekho
razam mein lekin talwaaron ko meeaan mein rakhna
us dariya se aage ek samundar bhi hai
aur wo be saahil hai ye bhi dhyaan mein rakhna