juz tire koi bhi din na jaane mere
tu kahan hai magar ai dost puraane mere
tu bhi hai magar mera tajassus bekaar
barg-e-aawaara ki maanind thikaane mere
shama ki lau thi ki wo tu tha magar hijr ki raat
der tak rota raha koi sirhaane mere
khalque ki be-khabri hai ki miri ruswaai
log mujh ko hi sunaate hain fasaane mere
lut ke bhi khush hoon ki ashkon se bhara hai daaman
dekh ghaarat-gar-e-dil ye bhi khazaane mere
aaj ik aur baras beet gaya us ke baghair
jis ke hote hue hote the zamaane mere
kaash tu bhi meri aawaaz kahin sunta ho
phir pukaara hai tujhe dil ki sada ne mere
kaash tu bhi kabhi aa jaae maseehaai ko
log aate hain bahut dil ko dukhaane mere
kaash auron ki tarah main bhi kabhi kah sakta
baat sun li hai miri aaj khuda ne mere
tu hai kis haal mein ai zood-faraamosh mire
mujh ko toh chheen liya ahad-e-wafa ne mere
chaaraagar yoon toh bahut hain magar ai jaan-e-faraaz
juz tire aur koi zakhm na jaane mere
Responses
No comments yet. Be the first to respond.
ek muddat se muqaddar hai ghareeb alotni
koi pardees mein naa khush ho toh ghar bhi jaae
apni hi aawaaz ko be shak kaan mein rakhna
lekin shahar ki khaamoshi bhi dhyaan mein rakhna
mere jhoot ko tolo bhi aur kholo bhi tum
lekin apne sach ko bhi meezaan mein rakhna
kal taareekh yaqueena khud ko dahraaye gi
aaj ke ik ik manzar ko pahchaan mein rakhna
bazm mein yaaron ki shamsheer ke jauhar dekho
razam mein lekin talwaaron ko meeaan mein rakhna
us dariya se aage ek samundar bhi hai
aur wo be saahil hai ye bhi dhyaan mein rakhna