jis samt bhi dekhoon aata hai ki tum ho
ai jaan-e-jahan ye koi tum sa hai ki tum ho
ye khawaab hai hai ki jhonka hai ki pal hai
ye dhund hai baadal hai ki saaya hai ki tum ho
is deed ki saaat mein kai rang hain larzan
main hoon ki koi aur hai duniyaa hai ki tum ho
dekho ye kisi aur ki aankhein hain ki meri
dekhoon ye kisi aur ka chehra hai ki tum ho
ye umr-e-gurezan kahin thahre toh ye jaanoon
har saans mein mujh ko yahi lagta hai ki tum ho
har bazm mein mauzoo-e-sukhan dil-zadgan ka
ab kaun hai sheerin hai ki laila hai ki tum ho
ik dard ka phaila hua sahra hai ki main hoon
ik mauj mein aaya hua dariya hai ki tum ho
wo waqt na aae ki dil-e-zaar bhi soche
is shahar mein tanha koi ham sa hai ki tum ho
aabaad ham aashufta-saron se nahi maqtal
ye rasm abhi shahar mein zinda hai ki tum ho
ai jaan-e-faraaz itni bhi taufeeque kise thi
ham ko gham-e-hasti bhi gawaara hai ki tum ho
Responses
No comments yet. Be the first to respond.
ek muddat se muqaddar hai ghareeb alotni
koi pardees mein naa khush ho toh ghar bhi jaae
apni hi aawaaz ko be shak kaan mein rakhna
lekin shahar ki khaamoshi bhi dhyaan mein rakhna
mere jhoot ko tolo bhi aur kholo bhi tum
lekin apne sach ko bhi meezaan mein rakhna
kal taareekh yaqueena khud ko dahraaye gi
aaj ke ik ik manzar ko pahchaan mein rakhna
bazm mein yaaron ki shamsheer ke jauhar dekho
razam mein lekin talwaaron ko meeaan mein rakhna
us dariya se aage ek samundar bhi hai
aur wo be saahil hai ye bhi dhyaan mein rakhna