is se pahle ki be-wafa ho jaaein
kyoon na ai dost ham juda ho jaaein
tu bhi heere se ban gaya patthar
ham bhi kal jaane kya se kya ho jaaein
tu ki yakta tha be-shumaar hua
ham bhi tootein toh ja-b-ja ho jaaein
ham bhi majbooriyon ka uzr karein
phir kahin aur mubtala ho jaaein
ham agar manzilein na ban paae
manzilon tak ka raasta ho jaaein
der se soch mein hain parwaane
raakh ho jaaein yaa hawa ho jaaein
bhi khel hai naseebon ka
ho jaaein keemiya ho jaaein
ab ke gar tu mile toh ham tujh se
aise liptein tiri quaba ho jaaein
bandagi ham ne chhod di hai faraaz
kya karein log jab khuda ho jaaein
Responses
No comments yet. Be the first to respond.
ek muddat se muqaddar hai ghareeb alotni
koi pardees mein naa khush ho toh ghar bhi jaae
apni hi aawaaz ko be shak kaan mein rakhna
lekin shahar ki khaamoshi bhi dhyaan mein rakhna
mere jhoot ko tolo bhi aur kholo bhi tum
lekin apne sach ko bhi meezaan mein rakhna
kal taareekh yaqueena khud ko dahraaye gi
aaj ke ik ik manzar ko pahchaan mein rakhna
bazm mein yaaron ki shamsheer ke jauhar dekho
razam mein lekin talwaaron ko meeaan mein rakhna
us dariya se aage ek samundar bhi hai
aur wo be saahil hai ye bhi dhyaan mein rakhna