har koi ki hatheli pe hai sahra rakkhe
kis ko sairaab kare wo kise pyaasa rakkhe
umr bhar kaun nibhaata hai taalluque itna
ai miri jaan ke dushman tujhe allaah rakkhe
ham ko achchha nahi lagta koi hamnaam tira
koi tujh sa ho toh phir naam bhi tujh sa rakkhe
bhi paagal hai ki us shakhs se waabasta hai
jo kisi aur ka hone de na apna rakkhe
kam nahi tam-e-ibaadat bhi toh hirs-e-zar se
faqr toh wo hai ki jo deen na duniyaa rakkhe
hans na itna bhi faqueeron ke akele-pan par
ja khuda meri tarah tujh ko bhi tanha rakkhe
ye quanaaat hai itaaat hai ki chaahat hai faraaz
ham toh raazi hain wo jis haal mein jaisa rakkhe
Responses
No comments yet. Be the first to respond.
ek muddat se muqaddar hai ghareeb alotni
koi pardees mein naa khush ho toh ghar bhi jaae
apni hi aawaaz ko be shak kaan mein rakhna
lekin shahar ki khaamoshi bhi dhyaan mein rakhna
mere jhoot ko tolo bhi aur kholo bhi tum
lekin apne sach ko bhi meezaan mein rakhna
kal taareekh yaqueena khud ko dahraaye gi
aaj ke ik ik manzar ko pahchaan mein rakhna
bazm mein yaaron ki shamsheer ke jauhar dekho
razam mein lekin talwaaron ko meeaan mein rakhna
us dariya se aage ek samundar bhi hai
aur wo be saahil hai ye bhi dhyaan mein rakhna