dost ban kar bhi nahi saath nibhaane waala
wahi andaaz hai zaalim ka zamaane waala
ab use log samajhte hain giraftaar mira
sakht naadim hai mujhe daam mein laane waala
subh-dam chhod gaya nikhat-e- ki soorat
raat ko ghuncha-e- mein simat aane waala
kya kahein kitne maraasim the hamare us se
wo jo ik shakhs hai munh pher ke jaane waala
tere hote hue aa jaati thi saari duniyaa
aaj tanha hoon toh koi nahi aane waala
muntazir kis ka hoon tooti hui dahleez pe main
kaun aaega yahan kaun hai aane waala
kya khabar thi jo miri jan mein ghula hai itna
hai wahi mujh ko sar-e-daar bhi laane waala
main ne dekha hai bahaaron mein chaman ko jalte
hai koi khawaab ki taabeer bataane waala
tum takalluf ko bhi ikhlaas samajhte ho faraaz
dost hota nahi har haath milaane waala
Responses
No comments yet. Be the first to respond.
ek muddat se muqaddar hai ghareeb alotni
koi pardees mein naa khush ho toh ghar bhi jaae
apni hi aawaaz ko be shak kaan mein rakhna
lekin shahar ki khaamoshi bhi dhyaan mein rakhna
mere jhoot ko tolo bhi aur kholo bhi tum
lekin apne sach ko bhi meezaan mein rakhna
kal taareekh yaqueena khud ko dahraaye gi
aaj ke ik ik manzar ko pahchaan mein rakhna
bazm mein yaaron ki shamsheer ke jauhar dekho
razam mein lekin talwaaron ko meeaan mein rakhna
us dariya se aage ek samundar bhi hai
aur wo be saahil hai ye bhi dhyaan mein rakhna