awwal awwal ki dosti hai abhi
ik ghazal hai ki ho rahi hai abhi
main bhi shahar-e-wafa mein nau-waarid
wo bhi ruk ruk ke chal rahi hai abhi
main bhi aisa kahan ka zood-shanaas
wo bhi lagta hai sochti hai abhi
ki waaraftagi hai apni jagah
phir bhi kuchh ehtiyaat si hai abhi
garche pahla sa ijtinaab nahi
phir bhi kam kam supurdagi hai abhi
kaisa mausam hai kuchh nahi khulta
boonda-baandi bhi dhoop bhi hai abhi
khud-kalaami mein kab ye nashsha tha
jis tarah roo-b-roo koi hai abhi
qurbatein laakh khoob-soorat hon
dooriyon mein bhi dilakshi hai abhi
fasl-e- mein bahaar pahla gulaab
kis ki zulfon mein taankati hai abhi
muddatein ho gain faraaz magar
wo jo deewaangi ki thi hai abhi
Responses
No comments yet. Be the first to respond.
ek muddat se muqaddar hai ghareeb alotni
koi pardees mein naa khush ho toh ghar bhi jaae
apni hi aawaaz ko be shak kaan mein rakhna
lekin shahar ki khaamoshi bhi dhyaan mein rakhna
mere jhoot ko tolo bhi aur kholo bhi tum
lekin apne sach ko bhi meezaan mein rakhna
kal taareekh yaqueena khud ko dahraaye gi
aaj ke ik ik manzar ko pahchaan mein rakhna
bazm mein yaaron ki shamsheer ke jauhar dekho
razam mein lekin talwaaron ko meeaan mein rakhna
us dariya se aage ek samundar bhi hai
aur wo be saahil hai ye bhi dhyaan mein rakhna