aisa hai ki sab khawaab musalsal nahi hote
jo aaj toh hote hain magar kal nahi hote
andar ki fazaaon ke karishme bhi ajab hain
menh toot ke barse bhi toh baadal nahi hote
kuchh mushkilein aisi hain ki aasan nahi hotin
kuchh aise muamme hain kabhi hal nahi hote
shaaistagi-e- ke sabab aankhon ke sahra
namnaak toh ho jaate hain jal-thal nahi hote
kaise hi talaatum hon magar qulzum-e-jan mein
kuchh -jazeere hain ki ojhal nahi hote
ushshaaque ke maanind kai ahal-e-hawas bhi
paagal toh nazar aate hain paagal nahi hote
sab khwaahishein poori hon faraaz aisa nahi hai
jaise kai ashaaar mukammal nahi hote
Responses
No comments yet. Be the first to respond.
ek muddat se muqaddar hai ghareeb alotni
koi pardees mein naa khush ho toh ghar bhi jaae
apni hi aawaaz ko be shak kaan mein rakhna
lekin shahar ki khaamoshi bhi dhyaan mein rakhna
mere jhoot ko tolo bhi aur kholo bhi tum
lekin apne sach ko bhi meezaan mein rakhna
kal taareekh yaqueena khud ko dahraaye gi
aaj ke ik ik manzar ko pahchaan mein rakhna
bazm mein yaaron ki shamsheer ke jauhar dekho
razam mein lekin talwaaron ko meeaan mein rakhna
us dariya se aage ek samundar bhi hai
aur wo be saahil hai ye bhi dhyaan mein rakhna