ab kya sochein kya haalaat the kis kaaran ye zahar piya hai
ham ne us ke shahar ko chhoda aur aankhon ko moond liya hai
apna ye shewa toh nahi tha apne auron ko saumpein
khud toh jaagte yaa sote hain us ko kyoon be-khawaab kiya hai
khilqat ke aawaaze bhi the band us ke darwaaze bhi the
phir bhi us kooche se guzre phir bhi us ka naam liya hai
ki rut jan-lewa thi par ghalat sabhi andaaze nikle
taaza rifaaqat ke mausam tak main bhi jiya hoon wo bhi jiya hai
ek faraaz tumhin tanha ho jo ab tak dukh ke rasiya ho
warna aksar dil waalon ne dard ka rasta chhod diya hai
Responses
No comments yet. Be the first to respond.
ek muddat se muqaddar hai ghareeb alotni
koi pardees mein naa khush ho toh ghar bhi jaae
apni hi aawaaz ko be shak kaan mein rakhna
lekin shahar ki khaamoshi bhi dhyaan mein rakhna
mere jhoot ko tolo bhi aur kholo bhi tum
lekin apne sach ko bhi meezaan mein rakhna
kal taareekh yaqueena khud ko dahraaye gi
aaj ke ik ik manzar ko pahchaan mein rakhna
bazm mein yaaron ki shamsheer ke jauhar dekho
razam mein lekin talwaaron ko meeaan mein rakhna
us dariya se aage ek samundar bhi hai
aur wo be saahil hai ye bhi dhyaan mein rakhna