uzr aane mein bhi hai aur bulaate bhi nahi
baais-e-tark-e-mulaaquat bataate bhi nahi
muntazir hain dam-e-rukhsat ki ye mar jaae toh jaaein
phir ye ehsaan ki ham chhod ke jaate bhi nahi
sar uthaao toh sahi aankh milaao toh sahi
nashsha-e-mai bhi nahi neend ke maate bhi nahi
kya kaha phir toh kaho ham nahi sunte teri
nahi sunte toh ham aison ko sunaate bhi nahi
khoob parda hai ki chilman se lage baithe hain
saaf chhupte bhi nahi saamne aate bhi nahi
mujh se laaghar tiri aankhon mein khatakte toh rahe
tujh se naazuk miri nazron mein samaate bhi nahi
dekhte hi mujhe mahfil mein ye irshaad hua
kaun baitha hai use log uthaate bhi nahi
ho chuka quata taalluque toh jafaaein kyoon hon
jin ko matlab nahi rahta wo sataate bhi nahi
zeest se tang ho ai daagh toh jeete kyoon ho
jaan pyaari bhi nahi jaan se jaate bhi nahi
Responses
No comments yet. Be the first to respond.
khoob parda hai ke chilman se lage baithe hain
saaf chhupte bhi nahin saamne aate bhi nahin
uzr aane mein bhi hai aur bulaate bhi nahin
baais-e-tark-e-mulaaqaat bataate bhi nahin
tumhaare khat mein naya ek salaam kis ka tha
na tha raqeeb to aakhir wo naam kis ka tha
ghazab kiya tere vaade pe aitbaar kiya
tamaam raat qayaamat ka intezaar kiya
aafat ki shaukhiyaan hain tumhaari nigaah mein
mehshar ke fitne khelte hain jis ki raah mein
le chala jaan meri rooth ke jaana tera
aise aane se to behtar tha na aana tera