ye aarzoo thi tujhe ke roo-ba-roo karte
hum aur bulbul-e-betaab guftugu karte
payaam-bar na muyassar hua to khoob hua
zubaan-e-ghair se kya sharh-e-aarzoo karte
meri tarah se mah-o-mehr bhi hain aawaara
kisi habeeb ki ye bhi hain justuju karte
jo dekhte teri zanjeer-e-zulf ka aalam
asiir hone ki aazaad aarzoo karte
guzar gaya wo zamaana kahoon to kis se kahoon
khayaal-e-yaar se insha hum aabaroo karte
kamar baandhe hue chalne ko yaan sab yaar baithe hain
bahut aage gaye baaqi jo hain taiyaar baithe hain
ye aarzoo thi tujhe gul ke roo-ba-roo karte
hum aur bulbul-e-betaab guftugu karte
insha ji utho ab kooch karo is shahr mein ji ko lagaana kya
wahshi ko sukoon se kya matlab jogi ka nagar mein thikaana kya
saudaa-e-ishq mein hum ne kya kya na sahe sadme
phir bhi dil-e-naadaan ko aaraam nahin aaya
dil mil gaye hain is tarah ek doosre ke saath
ab hum juda ho bhi to ye dil juda nahin
roz ye baat sunaa karte hain log
dil lagaana koi aasaan nahin