ahad-e-jawaani ro ro kaata peeri mein lin aankhein moond

yaani raat bahut the jaage subh hui aaraam kiya

harf nahi jan-bakhshi mein us ki khoobi apni quismat ki

ham se jo pahle kah bheja so marne ka paighaam kiya

naahaque ham majbooron par ye tohmat hai mukhtaari ki

chaahte hain so aap karein hain ham ko abas badnaam kiya

saare rind aubaash jahan ke tujh se sujood mein rahte hain

baanke tedhe tirchhe teekhe sab ka tujh ko imaam kiya

sarzad ham se be-adbi toh wahshat mein bhi kam hi hui

koson us ki or gae par sajda har har gaam kiya

kis ka kaaba kaisa quibla kaun haram hai kya ehraam

kooche ke us ke baashindon ne sab ko yahin se salaam kiya

shaikh jo hai masjid mein nanga raat ko tha mai-khaane mein

jubba khirqua kurta topi masti mein inaaam kiya

kaash ab burqua munh se utha de warna phir kya haasil hai

aankh munde par un ne go deedaar ko apne aam kiya

yan ke sapeed o siyah mein ham ko dakhl jo hai so itna hai

raat ko ro ro subh kiya yaa din ko joon toon shaam kiya

subh chaman mein us ko kahin takleef-e-hawa le aai thi

rukh se gul ko mol liya quamat se sarw ghulaam kiya

saaad-e-seemin donon us ke haath mein la kar chhod diye

bhoole us ke quaul-o-quasam par haae khayaal-e-khaam kiya

kaam hue hain saare zaaea har saaat ki samaajat se

istighna ki chauguni un ne joon joon main ibraam kiya

aise aahu-e-ram-khurda ki wahshat khoni mushkil thi

sehar kiya ejaaz kiya jin logon ne tujh ko raam kiya

meer ke deen-o-mazhab ko ab poochhte kya ho un ne toh

quashqua kheencha dair mein baitha kab ka tark islaam kiya