Twenty couplets of selfhood and fire — Iqbal urging the soul to rise.
khudi ko kar buland itna ke har taqdeer se pehle
khuda bande se khud puchhe bata teri raza kya hai
jis khet se dehqaan ko mayassar nahin rozi
us khet ke har khosha-e-gandum ko jala do
uqaabi rooh jab bedaar hoti hai jawaanon mein
nazar aati hai inko apni manzil aasmaanon mein
yaqeen muhkam amal paiham mohabbat faateh-e-aalam
jihaad-e-zindagaani mein hain ye mardon ki shamsheeren
guzar ja aql se aage ke ye noor
charaagh-e-raah hai manzil nahin hai
na samjhoge to mit jaaoge ae hindostaan waalo
tumhaari daastaan tak bhi na hogi daastaanon mein
sitaron se aage jahaan aur bhi hain
abhi ishq ke imtihaan aur bhi hain
tu shaaheen hai parwaaz hai kaam tera
tere saamne aasmaan aur bhi hain
khol aankh zameen dekh falak dekh fazaa dekh
mashriq se ubharte hue suraj ko zara dekh
nahin tera nasheman qasr-e-sultani ke gumbad par
tu shaaheen hai basera kar pahaadon ki chattaanon mein
mohabbat mujhe un jawaanon se hai
sitaron pe jo daalte hain kamand
dil se jo baat nikalti hai asar rakhti hai
par nahin taaqat-e-parvaaz magar rakhti hai
kabhi ae haqeeqat-e-muntazir nazar aa libaas-e-majaaz mein
ke hazaaron sajde tadap rahe hain meri jabeen-e-niyaaz mein
tere ishq ki intahaa chaahta hoon
meri saadgi dekh kya chaahta hoon